“… We have a great responsibility to shape the future of our society by establishing the rule of law and administrative justice.” Her Excellency Mrs. Meaza Ashenafi
October 20, 2022

ጉባዔው በ79 ጉዳዮች ላይ ተወያይቶ 77ቱ ላይ ውሳኔ አሳለፈ

????????????????????????????????????

የሕገ መንግሥት ጉዳዮች አጣሪ ጉባዔ ሐሙስ ጥቅምት 24/2015 ባካሄደው ጉባዔ ቀደም ሲል በተለያዩ ጊዜያት በጉባዔና በንዑስ ጉባዔ ደረጃ ሲመረምራቸው ከቆያቸው አቤቱታዎች መካከል በ77 ጉዳዮች ላይ የሕገ መንግሥት ትርጉም አያስፈልጋቸውም የሚል ውሳኔ አሳለፈ።

አጣሪ ጉባዔው በጥቅምት 24 መደበኛ ጉባዔው 79 የባለጉዳይ አቤቱታዎችን መርምሮ 77ቱ መዝገቦች የሕገ መንግሥት ጥሰት የሌለባቸው ሆኖ ስላገኛቸው ውሳኔ በመስጠት ዘግቷቸዋል። ቀሪዎቹ 2 መዝገቦች ላይ ሰፊ ውይይትና ክርክር ካካሄደባቸው በኋላ ለተጨማሪ ምርመራ አሳድሯቸዋል።

ጉባዔው በይደር ካቆያቸው ሁለት ጉዳዮች በተለይ አንዱ ጉዳይ ሰፊ ውይይት የተደረገበት ሲሆን፣ ጉዳዩም የንብረት ክርክር ሆኖ ከገጠር የእርሻ መሬት ጋር የተያያዘ ነው።

የጉዳዩ አመልካች የሆኑት ሴት ጉዳያቸውን ወደ ጉባዔው ሲያመጡት ባለቤቴ ከዚህ ዓለም በሞት ሲለይ በውርስ ላገኝ የሚገባኝን በመሬት የመጠቀም መብት እንዳጣ ሆኚያለሁና ሕገ መንግሥቱ የደነገገልኝ መብቴን ጉባዔው ያስከብርልኝ በማለት ነው።

አመልካች ተጣሰብኝ በማለት የጠየቋቸው ሕገ መንግሥታዊ መብቶችም፡- በሕገ መንግሥቱ አንቀጽ 35/7/ ስር የተደነገገው ሴቶች ከወንዶች እኩል በይዞታው ላይ የመጠቀም መብት፣ በአንቀጽ 40/4/ ስር የተደነገገው ከይዞታ መሬት ያለመፈናቀል መብት እንዲሁም በአንቀጽ 34/1/ መሰረት በጋብቻ መፍረስ ወቅት የሚኖር የእኩልነት መብቶቼን የጣሰ ስለሆነ የሕገ መንግሥት ትርጉም ይሰጠኝ የሚሉት ናቸው።

ጉባዔውም የአመልካችን ጥያቄ ከሕገ መንግሥቱ አንፃር በማጣቀስ ዕውን ባለጉዳይ የጠየቋቸው የመብት ጥያቄዎች ተጥሰውባቸዋል ወይስ አልተጣሰባቸውም? ያጡት ሕገ መንግሥታዊ መብትስ አለ የለም? በሚለው ጭብጥ ላይ በሰፊው ተወያይቷል።

በመጨረሻም የአንደኛው ወገን መብት ሲከበር የሌላኛው ወገን መብት እንዳይጣስ ጥንቃቄ መደረግ ስላለበት ጉባዔው ባነሳቸው ጥያቄዎች ላይ ተጨማሪ ምርምራ በጉዳዩ ላይ በአጭር ጊዜ ውስጥ ተከናውኖ በቀጣዩ የጉባዔ ስብሰባ እንዲቀርብ በማለት ጉዳዩን አሳድሮታል።