November 1, 2018
የሕገ መንገስት ጉዳዮች አጣሪ ጉባኤ ጽ/ቤት ሰራተኞች ፀረ-ፆታዊ ጥቃት ቀንን በማስመልከት ውይይት አካሄዱ
November 28, 2018

የኢ.ፌዴ.ሪ የህገ መንግስት ጉዳዮች አጣሪ ጉባኤ አባላት ለጉባኤው ሰብሳቢና ም/ሰብሳቢ  የአቀባብል ስነ ሥርዓት አካሄዱ

የኢ.ፌዴ.ሪ የህገ መንግስት ጉዳዮች አጣሪ ጉባኤ አባላት ህዳር 5 ቀን 2011 ዓ.ም የጉባኤውን ሰብሳቢ ወ/ሮ መዓዛ አሸናፊንና ም/ሰብሳቢ አቶ ሰለሞን አረዳን በጁፒተር ሆቴል የእንኳን ደህና መጣችሁ አቀባበል አድርገውላቸዋል፡፡

የጉባኤው አባላትም ከአዲሶቹ አመራሮች ጋር የአንድ ለአንድ ትውውቅ ካደረጉ በኋላ የጉባኤው ጽ/ቤት ኃላፊ የእንኳን ደህና መጣችሁ ንግግር አድርገው የጉባኤውን አደረጃጀትና ሥነ ስርዓትን በሚመለከት ጽሁፍ አቅርበዋል። በመቀጠልም ከአዲስ አበባ ዩኒቨርሲቲ የህግ ትምህርት ክፍል የመጡት ዶ/ር ጌታቸው አሰፋ በህገ መንግስት አተረጓጎም ላይ ጽሁፍ አቅርበው፣ በቀረቡት ጽሁፎች ላይ የጉባኤው አባላት ውይይት አድርገዋል፡፡

በሥነ ስርዓቱ ላይ የጉባኤው ሰብሳቢ የሆኑት ወ/ሮ መዓዛ አሸናፊ አጣሪ ጉባኤው በርካታ ስራዎች እየሰራ መሆኑ እንደሚታወቅ ጠቁመው፣ በቀጣይ የሚሻሻሉ ጉዳዮችን በማሻሻል ውጤታማ ስራ መስራት እንደሚያስፈልግ ተናግረዋል፡፡ አሁን በዚህ ደረጃ በጉባኤው ወቅታዊ እንቅስቃሴ ላይ የጠለቀ ዕውቀት እንደሌላቸው ገልጸው፣ ነገር ግን ከዚህ መድረክና በቀጣይም የተሻለ ግንዛቤ በመያዝ ውጤታማ መሆን እንደሚቻል ገልጸዋል፡፡

የጉባኤው ም/ሰብሳቢ አቶ ሰለሞን አረዳ በበኩላቸው የአጣሪ ጉባኤው ኃላፊነት ከባድ ቢሆንም ያከናወናቸው በርካታ ተግባራት ያሉ መሆኑን ገልጸው፣ በቀጣይም በጋራ በተሻለ መልኩ ተገልጋይን ማርካት በሚቻልበት መንገድ መስራት እንደሚጠበቅ አስታውቀዋል፡፡