Amicus Curiae, በኮቪድ 19 ወረርሽኝ ምክንያት የሕዝብ ተወካዮች ም/ቤት ስድስተኛውን ሀገራዊ ምርጫ በሚመለከት የሕገ መንግስት ትርጉም እንዲሰጥበት ለሕገ መንግስት ጉዳዮች አጣሪ ጉባኤ ጥያቄ ቀርቧል፡፡በዚህም ጉባኤው የሚመለከታቸው ባለሙያዎች ሀሳብ እንዲያቀርቡ ባስተላለፈው ጥሪ መሰረት ለጉባኤው የቀረቡ ሀሳቦች / Amicus Curiae/
June 9, 2020
ጉባዔው ለፌዴሬሽን ምክር ቤት ያቀረበው የውሳኔ ሃሳብ
June 15, 2020

የሕገ መንግሥት ጉዳዮች አጣሪ ጉባዔ ለፌዴሬሽን ምክር ቤት የላከው የውሳኔ ሀሳብ ተቀባይነት አግኝቶ ፀደቀ

የሕገ መንግሥት ጉዳዮች አጣሪ ጉባዔ ለፌዴሬሽን ምክር ቤት የላከው የውሳኔ ሀሳብ ተቀባይነት አግኝቶ ፀደቀ

የሕገ መንግሥት ጉዳዮች አጣሪ ጉባዔ ከኮቪድ 19 ጋር ተያይዞ ምርጫን በወቅቱ ማካሄድ ባለመቻሉ ወደ ፌዴሬሽን ምክር ቤት የላከው የውሳኔ ሀሳብ በምክር ቤቱ ተቀባይነት አግኝቶ ትርጉም ተሰጠው።

ከኢ.ፌ.ዴ.ሪ ሕዝብ ተወካዮች ም/ቤት ግንቦት 28/2012 በኮቪድ 19 ወረርሽኝ ምንያት ምርጫን በወቅቱ ማካሄድ ባለመቻሉ እንዲሁም የም/ቤቶቹንና የአስፈፃሚ አካላትን የሥራ ዘመን አስመልክቶ ወደ ጉባዔው ለትርጉም ተመርቶ የነበረውን ጉዳይ፣ የተለያዩ ከጉዳዩ ጋር ቀጥተኛና ተዘዋዋሪ ግንኙነት ያላቸውን አካላትና ባለሙያዎችን አስተያየት በመስማትና ግብዓት በመሰብሰብ ጭምር  ሲያጣራ ከቆየ በኋላ፣ የሕገ መንግሥት ትርጉም ያስፈልገዋል በማለት ለትርጉም ወደ ፌዴሬሽን ምክር ቤት ግንቦት 21/2012 መላኩ ይታወሳል።

የመጨረሻ የሕገ መንግሥት ትርጉም እንዲሰጥ በሕገ መንግሥቱ ሥልጣን የተሰጠው የኢ.ፌ.ዴ.ሪ ፌዴሬሽን ምክር ቤትም፣ ጉዳዩን ተቀብሎ ከመረመረ በኋላ ሰኔ 03/2012 የጉባዔውን የውሳኔ ሀሳብ በማፅደቅ ትርጉም ሰጥቶበታል፡፡

የሕገ መንግሥት ጉዳዮች አጣሪ ጉባዔ በሕገ መንግሥቱ አንቀፅ 84 ንዑስ አንቀፅ 1 መሰረት ሕገ መንግሥታዊ ጉዳዮችን እንዲያጣራ ሥልጣን የተሰጠው ተቋም ሲሆን፣ በሚያደርገው ማጣራት ሕገ መንግሥቱን መተርጎም አስፈላጊ ሆኖ ሲያገኘው ለፌዴሬሽን ምክር ቤት በጉዳዩ ላይ የውሳኔ ሀሳብ እንደሚያቀርብ ይታወቃል። በዚሁ መሰረት ከተቋቋመበት ጊዜ አንስቶ ከ5 ሺህ በላይ መዝገቦችን ከተለያዩ ተቋማትና ግለሰቦች በመቀበል የማጣራት ሥራውን ሲያከናውን ቆይቷል፤ በማከናወን ላይም ይገኛል።